*Prabhava* Books * Handicrafts * Toys * Stationary * Handlooms * A Center for Trinity College London ESOL Courses * Prabhava Play School * Prabhava PrePrimary School * prabhava Toddler Care* పుస్తకాలు * హస్తకళ * చేనేత * బొమ్మలు * మన సభ్యత సంస్కృతి * మన ఊరి కళాకాంతి * మన ముంగిటి చిట్టిచేమంతి * ప్రభవ * పిల్లల చిట్టిరచనలు చిన్నికవితలు * తెలుగు ఇంగ్లీషులలో *Prabhava*

Sunday, October 31, 2010

ఇవ్వాళ మేం

ఇవ్వాళ మేం 
కథలు చెప్పాం! 
పాటలు పాడాం! 
బొమ్మలేసాం!
రంగులేసాం! 
వ్యాసాలు రాసాం!
వానొచ్చినా వరదొచ్చినా ..
మా వూరంతా గొడుగేసినా . ..
మమ్మల్నేమీ చేయవుగా !




Friday, October 29, 2010

కదిలించేరు సుమా !

ష్!
మేము కథలు రాస్తున్నాం !
కదిలించొద్దండి !
కవితలు కూడా.

కొన్నాళ్ళయ్యాక తీరిగ్గా అవన్నీ చదివి
 ఎలా రాసామో చెబుదురు.
అచ్చయ్యేదాకా వేచి వుండాలి తమరంతా!
అన్నట్టు మేం , బోలెడన్ని కబుర్లు కూడా చెప్పుకొన్నాం. 
కథాకాలక్షేపం అన్నమాట!
అహ, కథలు రాసేయడానికి ఒక వాతావరణం ఏర్పరుచుకొన్నాం అన్నమాట!
సరదాగా!సంతోషంగా!
అందుకేగా,
 గబ గబ చక చక అలా రాసేసాం !

కథలూ కవితలూ!
మరి, మీ సంగతేంటో!




Prabhava,Books and Beyond ! * All rights reserved.

Thursday, October 28, 2010

పిల్లల పండగ

పిల్లలు వచ్చారు.
పుస్తకాలు చదివారు.
పరిచయం చేశారు!

ఇవ్వాళ పొద్దున నుంచీ వాన.
మధ్యాహ్నం కాస్త తెరిపిచ్చినా, సాయంత్రం జోరు వాన.
 నిన్నటి దాకా, పిల్లలకు వార్త చేరేయడం తోనే హడావుడి పడ్డ ప్రభవ వారం,
ఈ పూట వాతావరణం చూసి,
ఇక  పిల్లలు ఎవరూ  ఇంటి నుంచి బయటకు రారను కొన్నాం.
అందులోనూ,కొందరు బడి వాళ్ళు భయపెట్టేసారు కదా,
మా పిల్లలకు యూనిట్ టెస్టులు.ఇలాంటి వన్నీ ససేమిరా "నో " అంటూ.

అయిదింటికల్లా , పిల్లలు వచ్చారు.
వారికి నచ్చిన పుస్తకం తీసుకొన్నారు. చదివారు. మాట్లాడారు.
ఎనిడ్ బ్లైటన్ నుంచి ఐయాన్  కోల్ఫర్ వరకు.  
హ్యారీ పాటర్ నుంచి నాడీ , అర్టమస్ ఫౌల్ లవరకు.
' పక్షి ప్రేమించిన పర్వతం' నుంచి 'అమర చిత్ర కథ ల వరకు.
"మానవ హక్కులు" నుంచి "ఇంద్రధనుస్సు" వరకు
పిల్లలు పుస్తకాల గురించి మాట్లాడారు.
 అవే ఈ చిత్రాలు.

అయిదింటికి మొదలుపెట్టాం కదా, ఈ అయిదుగంటలూ ఎటు పోయాయో !
అలా, ఈ ఏడాది ప్రభవ లో పిల్లల పండగ ప్రారంభం అయ్యిందన్న మాట !








Prabhava,Books and Beyond ! * All rights reserved.

Tuesday, October 26, 2010

సాహసాలు చేస్తా



9-11-2008
ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన   సబ్ జూనియర్స్లో  ,తృతీయ బహుమతి.

***
నాకు గనుక అద్బుత శక్తి వస్తే ,
అనేక సాహసాలు చేస్తాను.
మనిషిని పులిని చేస్తాను. పులిపిల్లల దంతాలు లెక్కబెడతాను.
ఆకాశంలో ఎగురుతాను . గాలిలో నడుస్తాను.

నక్షత్రాలను లెక్కిస్తాను.
నీళ్ళను మట్టిలా మారుస్తాను.

పిల్లిని జింకలా మారుస్తాను.
ఆవును మనిషిలా మారుస్తాను.


 ప్రజలను కాపాడుతాను.
*
టి .వరకుమార్,5 వ తరగతి సబ్ జూనియర్స్ ,తృతీయ బహుమతి.
9-11-2008

*
Prabhava,Books and Beyond ! * All rights reserved.

Sunday, October 24, 2010

పండ్లను పువ్వులుగా

ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన , సబ్ జూనియర్స్ ,ద్వితీయ బహుమతి.
*


నాకు గనుక అద్బుత శక్తి వస్తే,
 నేను ప్రజలను కాపాడుతాను.
 నా మీదికి దాడి చేయడానికి వచ్చిన వారిని ఎదిరించి ఫైట్ చేస్తాను.
చంద్రమండలంలోకి వెళ్తాను.సూర్యును వద్దకు వెళతాను.మేఘాలపై నడుస్తాను. గాలిలో సాహసాలు చేస్తాను.నక్షత్రాల వద్దకు వెళతాను.
 మనిషిని బొమ్మలా మారుస్తాను.పొదల్లో ఉన్న కుందేలును ఏనుగులా మారుస్తాను.ఏనుగును జింకలా మారుస్తాను.
అడివిని చెరువులా మారుస్తాను.గడ్డిని పాములా మారుస్తాను. నా శక్తితో సింహాన్ని చీలుస్తాను.
 సింహంతో ఆడుకొంటాను.
 ఆహార పదార్ధాలను వజ్రాలుగామారుస్తాను.పండ్లను పువ్వులుగా మారుస్తాను.
 నాకు దగ్గరలో నదిలో పడిఉన్న పాపకు ప్రథమ చికిత్స చేసి కాపాడతాను.
నా అద్బుత శక్తితో ఇతరులకు సహాయం చేస్తాను.




డి.విజయ చంద్రిక , 4 వ తరగతి. సబ్ జూనియర్స్ ,ద్వితీయ బహుమతి.
9-11-2008


Prabhava,Books and Beyond ! * All rights reserved.

Friday, October 22, 2010

పెద్ద వాళ్ళకు రక్షకుడు

ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన లో సబ్ జూనియర్ విభాగం , ప్రథమ బహుమతి.
***.


నాకే ఒక అద్బుత శక్తి వస్తే,

నేను పేద వారికి సహాయం చేస్తాను.
ఎవరన్నా ఆపదలో ఉంటే సహాయం చేస్తాను.

24 గంటలూ టివి చూస్తూ ఉంటాను. హోం వర్క్ మాయం చేస్తాను. ఆదివారం క్రికెట్లో గెలుస్తాను.

నేను మాయం అయి ,దేవుడి దగ్గరికి వెళ్ళి ,వారితో "మంచి వాడు" అని రాయమంటాను.
నేను చందమామ దగ్గరకు వెళతాను. నేను చరిత్రలో మిగిలి పోతాను.

మగవాళ్ళు ఆడవాళ్ళను ఏడ్పించకుండా మంచివాళ్ళలా మార్చేస్తాను.

నేను  చుక్కలలో ఆడుకొంటాను. నేను కుక్కలకు మాటలు వచ్చేలా చేస్తాను.

నేను  ఎన్నో స్టిక్కర్స్ కొనుక్కొని అందరికీ ఇస్తాను.

డబ్బు ఉందని, డబ్బులేని వారిని  హింసిస్తూ ఉంటారు. వారికి తగిన శిక్ష పడేట్లు చేస్తాను.

నేను స్కూల్లో నాలాంటి వాళ్ళను చేసి ,ఒక అబ్బాయి ని స్కూల్ లోకి పంపుతాను. నేను ఆడుకొంటాను.

పెద్ద వాళ్ళకు రక్షకుడిగా ఉంటాను.


*


ఎన్.ధర్మతేజ ,5 వ తరగతి. సబ్ జూనియర్ విభాగం , ప్రథమ బహుమతి.



Prabhava,Books and Beyond ! * All rights reserved.

Thursday, October 21, 2010

ఎట్లా నటించారో అట్లా

ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన లోఎన్ .భవ్య ,
తృతీయ బహుమతి, రచన

*


నేను యుకెజి చదివేటప్పుడు ఒక సినిమా చూచాను. 
దాని పేరు "మీనాక్షి."
ఆ సినిమా మీనాక్షి దేవతకు సంబంధించినది.
 ఆ సినిమా చివరన మీనాక్షి దేవత  ఒక రాక్షసుణ్ణి చంపింది.
 ఆ సీన్లో మీనాక్షి దేవత రాక్షసుణ్ణి కాలి క్రింద వేసుకొని ,త్రిశూలంతో చంపింది.
 సినిమా చూసిన తరువాత ,నేను  మా తమ్ముడు  ఆ సినిమాలో ఎట్లా నటించారో అట్లా నటించాలనుకొన్నాము. ఆ ఆటలో మా తమ్ముడు రాక్షసుడు. నేను దేవత.
అప్పుడు నేను తమ్ముడి పొట్టపై కాలితో తొక్కాను .
వెంటనే తమ్ముడు వాంతి చేసుకొన్నాడు. అప్పుడు మా అమ్మ వచ్చి నన్ను కొట్టింది.
మనుషులు దేవతలతో సమానం అంటారు. 
కానీ ,మా తమ్ముడిని నేను కాలితో పొట్టపై తొక్కాను. అందుకని ఈ విషయం తలుచుకొంటే , నాకు బాధ కలుగుతుంది.

ఇక, నేను ఎప్పుడూ స్కూలికి సెలవు పెట్టను.
 నేను ఆరోతరగతి చదువుతున్నప్పుడు మా బంధువుల పెళ్ళి వచ్చింది. వాళ్ళు మకు చాలా దగ్గర బంధువులు.  నేను ఆ పెళ్ళికి రానని చెప్పినా ,మా అమ్మ తీసుకొని వెళ్ళింది. మూడురోజులు బడికి సెలవు పెట్టాల్సి వచ్చింది.కాబట్టి నాకు ఫుల్ అటెండెన్స్ ప్రైజ్ మిస్ అయిపోయింది. అందుకని మా అమ్మ మీద నాకు చాలా కోపం వచ్చింది.

ఒక రోజు మధ్యాహ్నం  లంచ్ చేయడానికి ఇంటికి వచ్చాను. లంచ్ అయ్యాక ,నేను స్కూలుకి వెళుతుండగా ,దారిలో ముగ్గురు బెగ్గర్స్ కనబడ్డారు .వారిలో ఒక చిన్న అబ్బాయి ఉన్నాడు. ఆ అబ్బాయి వయస్సు 3 ఆర్ 4 సంవత్సారాలు ఉంటుంది. ఆ అబ్బాయికి మిగిలిన ఇద్దరు బెగ్గర్స్ ఎలా బెగ్ చేయాలి అని ట్రేయినింగ్ ఇస్తున్నారు. నాకు ఆ విషయం చూసి చాలా జాలి బాధ కలిగాయి.
అప్పుడు , నేను పెద్ద అయిన తరువాత , ఖచ్చితంగా ఎవరినీ బెగ్ చేయనీయకుండా కాపాడాలని నిర్ణయించుకొన్నాను.

ఎన్ .భవ్య ,
9-11-2008, 
8వ తరగతి.   సీనియర్లలో  , తృతీయ బహుమతి.
***

Prabhava,Books and Beyond ! * All rights reserved.

Wednesday, October 20, 2010

అమ్మ చదువుకొంది కాబట్టి

టి. శ్రావణి. 8 వ తరగతి
ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన లో సీనియర్ విభాగం లో ద్వితీయ బహుమతి రచన .
***


నేను ఇప్పుడు రాయదలిచినది బాధ కలిగించే విషయం.
అంటే ,

మా ఇంటి ప్రక్కన ఉండే ఒక అతను తాగి వచ్చి ,
తన భార్యను కొట్టే వాడు .
ఆమె పిల్లల చదువు కోసం దాచుకొన్న డబ్బును తీసుకొని కూడా తాగేవాడు.

ప్రతిరోజూ ఆమెను హింసలు పెట్టే వాడు.
అలా ఆయన తాగి తాగి,ఒక రోజు మరణించాడు.

ఇప్పుడు ఆమె భర్త చని పోయినందుకు బాధపడాలో ,లేక అతను పెట్టే హింసలు తగ్గాయని ఆనంద పడాలో తెలియని పరిస్థితి ఏర్పడింది.

ఆ స్థానం లో మీరే కనుక ఉన్నట్లయితే ఎలా ఊహిస్తారో నాకు తెలియదు.వాళ్ళ అమ్మ చదువుకొంది కాబట్టి ,
మంచి ఉద్యోగం చేస్తూ ,పిల్లలను బాగా చదివించుకొనే స్థాయి ఏర్పడింది. కానీ ,పిల్లలను చదువుకోమంటే వాళ్ళు సహకరించడం లేదు. ఎప్పుడు చూసినా క్లాసులకు వెళ్ళ కుండా వీధుల వెంట తిరిగే వారు.

ఒక రోజు వాళ్ళమ్మ రిపోర్టులు చూడడంతో ,వాళ్ళు ఏ మాత్రం చదువుతున్నారో అర్ధమైంది. 
అప్పటినుండి వాళ్ళ అమ్మ జాగ్రత్త తీసుకోవడంతో వాళ్ళు చక్కగా చదువుతున్నారు.

మొదట బాధ కలిగించినా చివరకు ఆనందమే లబిస్తుంది.

టి. శ్రావణి. 8 వ తరగతి
ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 కథారచన లో సీనియర్ విభాగం లో ద్వితీయ బహుమతి..
9-11-2008


Prabhava,Books and Beyond ! * All rights reserved.

No politics , Please !

ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008  రచన  జూనియర్ (ఇంగ్లీషు )లలో ప్రథమ  బహుమతి. జి.  ప్రణీత్  భరద్వాజ  రచన.
***

If I get an unlimited power, I will buy this whole world . 
I will fill this whole world with trees.Those trees will give me good health. 

There shall be no politics in the world.
People in the whole world shall work except children.
In the whole world many children are dying because of traffic. Traffic shall be under control.
There should be freedom for everyone in the world.


I will built large number of schools .
There will be some rules for the school. 
These rules would create some interest  in education .
    • Teachers should not beat the children.
    • They shouldnot give home work.
    • They should not have writing work.
    • When the teacher tells some lesson ,students  could save it in their laptops.
    • Students  wouldnot have heavy school bags.
    • Teachers shouldn’t stress the children.
    • The school should be for four hours only.
    • The school should be for five days a week.
 *

G.Praneeth Bharadhwaja ,6th class.9-11-2008

Prabhava,Books and Beyond ! * All rights reserved.

Thursday, October 14, 2010

మా అత్తమ్మ

ప్రభవ  పిల్లల పండుగ సందర్భం గా నిర్వహించిన ,
పిల్లలకు జే జే -2008 రచన లో ప్రథమ బహుమతి పొందిన
డి. గురు ప్రసన్న   ఏం రాసిందో మీరే చదివి చూడండి.
***
మా అత్తమ్మ

హల్లో!
ఈ రోజు మీకు నేను మా అత్తమ్మ గురించి చెప్పబోతున్నాను.
నేను చెప్పబోయే విషయం చాలా బాధాకరమైనది.

 నేను మా అత్తమ్మను అత్త అని ఏనాడు అనుకోలేదు.
అమ్మ వలె తను ప్రేమను పంచేది. తాను నాకు గురువుగా పాఠాలు చెప్పేది.తను స్నేహితురాలిగా సలహాలు ఇచ్చేది. 
అలా జరుగుతుండగా ,ఒకనాడు మా అత్తమ్మకు పెళ్ళిసంబంధాలు వచ్చాయి.
ఒక పెళ్ళి సంబంధం కుదిరి, మా అత్తమ్మ పెళ్ళి చేసుకొని వెళ్ళిపోయింది.
మరవళికి మా అత్తమ్మతో నేను వెళ్ళాను.
నేణు వెళ్ళిన రోజు  , అంతా మా అత్తమ్మను బాగానే చూశారు.
పెళ్ళి అయిన మూడు నెలల నుండి అంతా తారుమారయ్యింది.
చీటికీ మాటికీ తిడుతూ ఉండేవారు.వాళ్ళలో మొదటివ్యక్తి అమ్మన్నమ్మ.
ఈమె మా అత్తమ్మ వాళ్ళ భర్త అక్క.ఈమె ఇంటిలోనే మా అత్తమ్మ కాపురం ఉండేది.
మా అత్తమ్మ మామయ్య సంతోషంగా ఉండడం చూడలేక, 
మా అత్తమ్మ కాపురాన్ని వాళ్ళ ఇంటికి అవతల వైపుగా ఉన్న, తెల్ల రంగా ఇంటి పైభాగాన ఉన్న మూడవ అంతస్తులోకి జేరిపించింది.
మా అత్తమ్మ పెళ్ళి అయిన తరువాత ఏనాడు సంతోషంగా లేనే లేదు.
మేము వెళ్ళిన ప్రతిసారీ ఏడుస్తూనే ఉండేది.
అడిగితే చెప్పేదే కాదు.
ఇలా ఎన్ని కష్టాలు పెట్టినా కూడా ,తన మనస్సులో తను బాధ పడేదే కానీ ,మాకు చెప్పేదే కాదు.

ఇలా కొంత కాలం గడిచాక, మేము అప్పుడప్పుడు వెళుతున్నామని వాళ్ళ కాపురాన్ని కావలికి మార్చారు.
కావలిలో సివయ్య అని ఒకాయన ఇంటిలో కాపురం ఉండే వాళ్ళు.
 నన్ను మన్నించండి.
ఎందుకంటే ,నేను  మీకు ఒక విషయం చెప్పడం మరిచాను.
అదేమిటంటే, మా అత్తమ్మకు గర్భం వచ్చినప్పటి  సంగతి.
ఏ ఆడపిల్లకైనా గర్భం వస్తే పుట్టింటికి రావడం ఆనవాయితీ.
అలాగే మా అత్తమ్మ కూడా మా ఇంటికి వచ్చింది.
కొద్ది రోజూ బాగానే ఉన్నింది.
హఠాత్తుగా ఒకరోజు నొప్పులు వచ్చేసరికి వైద్యశాలకు తీసుకెళ్ళము.
నొప్పులు తగ్గి ఒక అబ్బాయి పుట్టాడు.
ఆ అబ్బాయిని చూడడానికి మామయ్యను రమ్మంటే ,ఎలాగో వచ్చాడు.
వచ్చి చూసి వెళ్ళి పోయాడు.
తరువాత వాళ్ళ అక్క వాళ్ళ కుటుంబం అంతా చూసారు.
ఇక, వైద్యశాల నుంచి ఇంటికి తీసుకు వచ్చాం.

కొద్ది రోజుల తరువాత ,ఫోన్ చేసి వాళ్ళు మా అత్తమ్మను వాళ్ళ ఇంటికి రమ్మన్నారు.
మా అమ్మానాన్నా ఎంత చెప్పినా వినలేదు.
'నేను వెళ్ళాలి” అనింది.
సరే అని మా అత్తమ్మకు తోడుగా మా నాన్నమ్మను పంపించాం.

కావలి వెళ్లిన తరువాత  వాళ్ళు," మా ఇంటికి ఇప్పుడు ఎందుకు వచ్చావు ?" అని అడిగారు.
వెళ్లి కొద్ది రోజుల తరువాత రమ్మన్నారు.
మళ్ళీ ఇంటికి ఇంటికి తిరిగి వచ్చేసి ,కొద్ది రోజుల తరువాత వెళ్ళింది.

అప్పుడు మా అత్తమ్మకు పుట్టిన బాబును జొన్నవాడకు వాళ్ళ అక్కవాళ్ళు తీసుకు వెళుతారు 'అని చెప్పి బాబుని ఇవ్వమన్నాడు.
మా అత్తమ్మ వస్తానంటే వద్దన్నాడు.
బలవంతంగా తల్లినీ బిడ్డనూ వేరు చేసాడు.
కొద్దిసేపటి తరువాత , మా అత్తమ్మ ఫోన్ చేసి , అక్కడ జరిగిన సంగతి చెప్పింది.
మా అత్తమ్మ కు సర్ది చెప్పారు.

ఆ మరుసటి రోజు వాళ్ళు ఫోన్ చేసి ," మీ అమ్మాయి మీ ఇంటికి వచ్చేస్తుంది "అని చెప్పారు.
మా వాళ్ళు అందరూ అలిసి ,ఒక్కొక్కరూ ఒక్కో దగ్గరకు వెళ్ళి ,ఎంత వెతికినా కనబడలేదు.

మరుసటినాడు, ఈనాడు పేపర్లో రాపూరు రైలు పట్టాల మధ్య పడి ఉన్న ఒక శవం అని చదివి ,అది మా అత్తమ్మలాగా ఉండడం గమనించి ,కావలి రైల్వే స్టేషన్ కు వెళ్ళి చూడగా ,అది అత్తమ్మదని తెలిసింది.

ఆ రోజు మా వాళ్ళు వెళ్ళే సమయంలో  ,మా మామయ్య వాళ్ళు ఆ శవాన్ని అనాధ శవం అని రాపిస్తుండగా ,
మా వాళ్ళు వెళ్ళి ,"అది మా అమ్మాయి " అని రాయించారు.

నేను మొట్టమొదట ఎక్కువగా బాధపడిన సంఘటన ఇది.
ఇది కథ కాదు నిజం.
నేను ఎంత ఎక్కువగా బాధ పడ్డానో నాకు తప్ప ఇంక మరెవ్వరికీ తెలియదు.

*
డి గురు ప్రసన్న , 8 వ తరగతి.
నెల్లూరు.
9-11-2008



 .




Prabhava,Books and Beyond ! * All rights reserved.

మూడు కాళ్ళ తాబేలు,ముఖాన బొట్టు!

ఏంటిదీ?
 తాబేలుకు ఎక్కడన్నా మూడు కాళ్ళుంటాయా? 
పైగా బొట్టు పెట్టావేంటి అని అడిగాడు నాన్న!

ఈ వైనాలేమిటో ఇక్కడ చూడండి మరి!


***
Prabhava,Books and Beyond ! * All rights reserved.

Wednesday, October 13, 2010

Write , Right !!!

 " How did you write it? "
 "Oh! I enjoyed it !"

 When I.V.Pranav Reddy, ISE 0 , appeared out of the examination hall , all surrounded him with  a shower of questions.
He was all smiles.

Yes, friends , he was not writing a riddle nor a poem , not even  a story ,
but ,
an EXAM !
 Exactly!

An Exam  in English!

Next ,came Meghana smiling all the way, "Oh , I Had Fun!"

Then , joined rest of the ISE class and also, smiles !

The written exam  for the "Integrated Skills in English" ,is conducted today morning ,
 at Prabhava.,for the first time ever in Nellore ,

Mr.Joe Tun Sien ,National Manager ,Trinity ESOL India, interacted with students  at Prabhava on 11 October,2010.
This interaction helped to overcome their inhibitions and students opened up.
4 hour long interactive session with a break, was all fun . And, today it's visible at the examination hall.
They were no more writing an exam
but,  having lot of  fun !

Monday, October 11, 2010

బాలోత్సవ్ -2010

బాలోత్సవ్బ్రోచర్ ఆవిష్కరణ సందర్భంగా కొత్తగూడెం క్లబ్లోపిల్లలు ఇంటా బయట-ప్రవర్తనారీతులుఅనే అంశంపై ఏర్పాటైన అవగాహన సదస్సు వివరాలు ఇక్కడ చూడండి.

http://www.sakshi.com/main/SportsDetailsNormal.aspx?catid=27399&subcatid=10&Categoryid=3

*

Prabhava,Books and Beyond ! * All rights reserved.

Saturday, October 9, 2010

ఏదో కొద్దిగా

నేను తెట్టు గ్రామంలో నివసిస్తున్నాను.
ఒకరోజు సమయం ఆరు గంటలు కావస్తున్నది
పక్షులు అన్నీ గాలిలో ఎగురుతూ అరుస్తూ ఉన్నాయి
వాతావరణం చాలా ప్రశాంతంగా ఉన్నది.
పక్షులు కూడా గూళ్ళకు వెళుతున్నట్లుగానే , నేను కూడా సాయంత్రం హాయిగా పాటలు  పాడుకొంటూ..స్కూలు నుండి ఇంటికి వెళుతున్నాను.
దారిలో నేను ఒక్కడినే వెళుతున్నాను
ఒకాయన నాకు ఎదురు వచ్చి,
" నవీన్, మీ ఇంట్లో కి పాము వెళ్ళింది ." అని చెప్పాడు.
నాకు ఒక్కసారిగా అదురుపు వచ్చింది.
నేను వేగంగా పరిగెత్తుకొని వెళ్ళే సరికిమా ఇంటి ముందంతా జనం పోగయి ఉన్నారు.
ఇద్దరు మా ఇంటిలోనికి వెళ్ళి పామును వెతుకుతున్నారు.
ఒక్కొక్క వస్తువునీ తీసి చూస్తూ ఇల్లంతా గాలిస్తున్నారు.
అపుడు అలా చూస్తుండగా, పాము సంచిలోకి దూరింది.
అది తెలుసుకొని , అతడు సంచిని తీసుకొని బయటకు వచ్చాడు.
అతడు పాము ను చంపేస్తానన్నాడు.
"వద్దు. వదిలేయమని" చెప్పగా "సరే" నన్నాడు.
పాము ఉన్న సంచిని తీసుకు వెళ్ళి ఒక చోట  వదిలాడు.
పాము బయటకు రాగానే చంపడానికి ప్రయత్నిచసాగాడు.
కానీ, అవకాశం లేకుండా ,కర్ర తీసుకొని గట్టిగా కొట్టాడు.
పాము చనిపోయింది.
నేను అతని దగ్గరగా వెళ్ళి పామును ఎందుకు చంపుతున్నావు అని అడిగే ధైర్యం లేక
పాము అంటే భయం చేత
అక్కడే అలాగే చూస్తూడి పోయాను.
తరువాత అతను వచ్చేసరికి,
" పామును చంపటం వలన ఏమి సిద్ధించింది ?" అని అడిగాను.
అతను ఏమీ మాట్లాడ లేదు.
"నిన్ను కూడా ఒక పామును హింసించినట్లు హింసిస్తే ,నీకు ఎలా ఉంటుంది?" అని అడిగాను.
"చిన్న పిల్లవాడి వైనా బాగా మాట్లాడావు" అని నా చుట్టూ ఉన్న కొంతమంది అన్నారు.
అతడు ఏదో కొద్దిగా అర్ధం చేసుకొనే వాడు కనుక
కొద్దిగా మారాడు.
మరొక రోజు ఇలాంటి సంధర్భం వచ్చినపుడు
అతడు పూర్తిగా మారాడు.
*
ప్రాణులను హింసించ రాదు.
*
 S. నవీన్ ,
10 తరగతి. జిల్లా పరిషత్ ఉన్నత పాఠ శాల ,తెట్టు.
10-9-10


Prabhava,Books and Beyond ! * All rights reserved.