అలుసుగా నన్నైయితే

Adthya  ,PreP Junior ,Prabhava 

"పల్లవి "
అలుసుగా నన్నైయితే అంటావు గానీ
     ఎన్ని చేసినా నాన్నారిని ననవే?    

1.   నాన్న గారి బల్ల మీద కాగితాలు ఎన్నో ఉంటే
      గాలిపడగ కోసం ఒక్క కాగితం తీసుకొంటే
      కస్సుమంటూ నా మీద కోప్పడతావు                 "పల్లవి "

2.  నాన్నగారి బుక్కు తీసి చిన్ని పెన్సిల్తోను
     అ ఆలు నేను అందంగా రాస్తే
     కళ్ళెర్ర జేసి నన్ను కోప్పడతావు
     తెల్ల కాగితాల నిండా ఏదో ఏదో రాసేసి
      తెగపాడు చేసేస్తోంటే నాన్నారిననవేం?                "పల్లవి "

3.     గొప్ప గొప్ప గ్రంథాలు నాన్న గారివంటూ
       కొత్త కొత్త కవితలెన్నో అల్లేరు అంటూ '
       నాన్న గారినెప్పుడూ పొగిడేస్తూ ఉంటావు
       కమ్మగా నీ లాగా కథ చెప్ప గలరా?          
       హాయిగా నీలాగా పాట పాడగలరా?
      అమ్మా నాకు చెప్పవే -ఒకసారి
       నాన్న గారి రాతలు నీకర్దమవుతాయా?            "పల్లవి "

రచన : శ్రీ కవి రావు

Prabhava,Books and Beyond ! * All rights reserved.