ఏకాంత నృత్యం

Siva Somayajula

https://www.facebook.com/syaji0 

"వేదికనలంకరించిన పెద్దలకీ, విచ్చేసిన అతిధులకీ కూడా నా నమస్సులు. 

“పగడమల్లెలు”, అచ్చులో వచ్చిన నా మొట్టమొదటి కథ. 

నా మొదటి కథకి “కథా సాహితి” లో దక్కుతున్న ఈ గౌరవాన్ని గురించి నవీన్ గారు నాకు ఈ-మెయిల్ ద్వారా తెలిపినప్పుడు,

ఒక నిమిషం పాటు నా కాళ్ళు నేల మీద నిలువలేదు. సినిమాల్లో చూపించినట్టు ఓ చిన్నపాటి “ఏకాంత నృత్యం” చేశానన్న మాట.

ఒక కొత్త కథకుడికి కథకి ఇలా తెలుగు కథాప్రపంచంలోని దిగ్గజాల కథల పక్కన ఉండే స్థానం కలిపించిన నవీన్ గారికీ, శివశంకర్ గారికీ హృదయపూర్వకంగా ధన్యవాదాలు తెలుపుకుంటున్నాను.

ఈ కథ రాయటానికి ప్రోత్సహించీ, ఓపికగా పలుమార్లు ఎడిట్ చేసిన నారాయణ స్వామి గారికి కూడా సభాముఖంగా కృతజ్ఞతలు తెలియజేసుకుంటున్నాను.

ఆంధ్రజ్యోతి కథా ఎడిటర్ వసంత గారికీ, ఈ కథ చదివి వారంతట వారుగా నాకు ఎన్నో అభినందనలు, ప్రోత్సాహకర వ్యాఖ్యలూ అందజేసిన తోటి రచయితలకు కూడా ఈ సందర్భంగా ధన్యవాదాలు అందజేసుకుంటున్నాను.

ఈ కథ నేపథ్యం గురించి చెప్పాలని ఉన్నా, ఎన్నుకున్న కథనప్రక్రియ వల్ల,

చెప్పకపోతేనే, కథకూ, ఈ కథను ఇంకా చదవని పాఠకులకీ కూడా,

న్యాయం చేసినట్టు ఉంటుందని నా అభిప్రాయం. కనక ఇక్కడితో ఆపేస్తాను.

చివరిగా, నేనక్కడ ప్రత్యక్షంగా లేనప్పటికీ, అభిమానంతో, నే చెప్పదలుచుకున్న మూడు నాలుగు ముక్కలను, 

నా తరఫున మీకు అందజేస్తున్న, చంద్రలత గారికి నా ధన్యవాదాలు. "

***

Prabhava,Books and Beyond ! * All rights reserved.